Гэртээ туршъя ТББ-аас БШУЯ, НБШУГ, Голомт банктай хамтран Ирээдүйн нобелийн шалгналтнуудад зориулсан уриатай Мари Кюригийн нэрэмжит шинжлэх ухааны бүтээлийн “Science fair-2022” уралдааныг зохион байгууллаа. Тус уралдаан ЕБ-ын сургуулийн 5-8 дугаар ангийн сурагчдын дунд зохион байгуулагдаж, уралдаанд сурагчдын 165 бүтээл ирсэн байна. “Science fair-2022” шинжлэх ухааны бүтээлийн уралдааны 7 дугаар ангийн төрөлд Дорноговь аймгийн Сайншанд сумын ЕБ-ын 2 дугаар сургуулийн сурагч Б.Пүрэвсүрэн “Өнхрүүш” минироботын бүтээлээрээ оролцож тэргүүн байр эзэллээ. Тэмцээндээ амжилттай оролцсон Б.Пүрэвсүрэндээ болон бэлтгэсэн багш нартаа баяр хүргэе.
