“БҮТЭЭЛЧ БАГАЧУУД, ШИЛДЭГ АРГА ЗҮЙ” 2023 УРАЛДААНЫ ҮНДЭСНИЙ ШИЛДГҮҮД ТОДОРЛОО
Монгол улсын “Бага боловсролын сургалтын хөтөлбөр”-ийн зорилго, зорилтод нийцүүлэн STEM боловсролын хөтөлбөрийг бага боловсролын сургалтад нэвтрүүлснээр суралцагчид математик, байгалийн ухаан, технологи, бусад хичээлүүдээр эзэмшсэн мэдлэгээ бодит хэрэглэгдэхүүн ашиглан бататгах, байгалийн юмс, үзэгдлийн учир шалтгаан зүй тогтол, хуулийг туршилтын үндсэн дээр ойлгох, сонирхож, шинжлэн судлах, багаар хамтран ажиллах, бие даан сурах арга барилаа хөгжүүлэх, бүтээлч сэтгэлгээ, зохион бүтээх чадвараа хөгжүүлэх боломжтой гэж үзэж, 2017 оноос бага боловсролд “STEM боловсролыг сурагчдад эзэмшүүлэх арга зүй” сургалтыг үе шаттайгаар танхим, цахим хосолсон хэлбэрээр зохион байгуулсан билээ.
“Боловсролын чанарын шинэчлэл” төслийн хүрээнд STEM боловсролын сургалтын хэрэглэгдэхүүнийг бүтээлчээр ашиглах, суралцагчдын бүтээлч сэтгэлгээ, цогц чадамжийг хөгжүүлэх, багш нарын шилдэг арга зүй, туршлагыг түгээн дэлгэрүүлэх зорилготой “Бүтээлч багачууд, шилдэг арга зүй” үйл ажиллагааг энэ жил 3 үе шаттай зохион байгуулж байна.
СТЕМ боловсролын хэрэгжилтийг дэмжих үйл ажиллагааг 3 сараас 6 сар хүртэл орон нутагт зохион байгуулагдаж, үндэсний шалгаруулалтад 20 баг, 10 шилдэг багшийн бүтээл, хамтын ажиллагааг нэгтгэж ажилласан. Уралдааны үеэр багш, сурагчдын бүтээлч шилдэг санаа, хамтын ажиллагааг нэгтгэж 20 багийг 10 багт хуваарилан зохион байгуулж, 10 багийн бүтээлийг нэгтгэн, ногоон байгууламж байгуулж 21 дүгээр сургууль дээр байршуулсан байна.
“ШИЛДЭГ АРГА ЗҮЙТЭЙ БАГШ” ангиллын 3-р шатанд улсын хэмжээнд 10 багш шалгаран оролцсоноос Замын-Үүд 2дугаар сургуулийн бага ангийн багш Б.Гүнжиймаа ТУСГАЙ байрт шалгарёан амжилттай оролцлоо.
Багшдаа баяр хүргэж, цаашдынх нь ажилд амжилт хүсье.
