Төрийн болон орон нутгийн өмчийн цэцэрлэгийн багшийн гүйцэтгэлийн үнэлгээ 11-р сард хийгдэхтэй холбогдуулан журмын төсөлд санал авч, хэлэлцүүлэг зохион байгуулах сургалтыг Улаанбаатар хотноо 2022 оны 10 сарын 20-ны өдөр БШУЯам, БҮТөв хамтран зохион байгуулж, тус аймгаас СӨБ-ын мэргэжилтэн Д.Энхцэцэг, ЕБ-ын 6-р сургуулийн сургалтын менежер Ц.Атаржаахан, Сайншанд сумын 2-р цэцэрлэгийн эрхлэгч Н.Одгэрэл нар оролцлоо. Өнгөрсөн хавар ЕБС-ийн багш нарт хийгдсэн гүйцэтгэлийн үнэлгээний үр дүн, хамрах хүрээ, түгээмэл асуулт хариулт, түүврийн нөхцөл зэрэгт хийсэн дүн шинжилгээг танилцуулан, СӨБ-ын багш нарт хийгдэх үнэлгээний явцад юун дээр анхаарах, шалгуур үзүүлэлт, мэдээллийн сан хэрхэн бүрдүүлэх талаар хэлэлцэж, аймгуудын БШУГ-ын мэргэжилтэн, сургууль цэцэрлэгийн эрхлэгч, аргазүйч, ЕБС-ийн сургалтын менежер, Үйлдвэрчний эвлэлийн төлөөлөл зэрэг 100 гаруй хүнээс журмын төсөлд саналыг нь авч ажилласан.
